Манев: Никој не може да и се заканува на Италија, секој натпревар е нов предизвик

Maкедонската фудбалска репрезентација ја очекуваат два натпревари во квалификациите за Европското првенство, а во првиот ќе играме против силната Италија.

Италија на последниот меѓусебен натпревар ја шокиравме во Палермо и ги оставивме „Аѕурите“ без настап на Мундијалот во Катар, но во нашиот табор се свесни против кого играат.

Еден од помладите во нашиот состав, дефанзивецот Јован Манев се надева и верува во позитивен резултат.

„Играме против голема репрезентација како што е Италија. Не може никој да ѝ се заканува на таков тим. Фудбалски е да се надеваш на успех, верувам дека сите играчи ќе го дадат максимумот. Во овој меч ќе влеземе со позитивни мисли и чекор по чекор се надевам дека ќе донесеме позитивна атмосфера. Не верувам во одмазда и такви работи, секој нов меч е нов предизвик и сакам позитивен резултат пред нашите фанови, изјави Манев.

Натпреварот помеѓу Италија и Македонија се игра в сабота од 20:45 часот на Арената „Тодор Проески“, билетите се пуштени во продажба по цена од 300 и 500 денари.