Малдини: Верувам во проектот, Милан мора да се врати на врвот!

Легендарниот капитен на Милан, Паоло Малдини ја даде првата пресконференција по повод неговото враќање во клубот.

Малдини после 9 години се враќа во својот матичен клуб каде доби важна директорска функција од новите сопственици на Милан.

„Треба да кажам дека јас никогаш не кажав НЕ на поканите да се вратам во Милан. Пред неколку години разговарав со Барбара Берлускони, но не се случи ништо. Пред година и половина разговарав со кинеските сопственици, но не ми се допадна функцијата која ми ја понудија. Јас доаѓам во Милан за да работам за доброто на клубот, а не само да бидам фигура“, истакна Малдини.

„Овој проект е сериозен и верувам во него затоа се вратив во Милан. Разговарав со Леонардо и новите сопственици, мојата улога е јасна. Јас и Леонардо ќе бидеме одговорни за целиот спортски аспект – првиот тим, младинците, трансферите…Важно е сите да бидеме на јасно со работата што ни претстои во иднина“, додаде Малдини.

„Имаме млади и добар тим кој може само да напредува. Имаме голема доверба во Гатузо. Малан е еден од најголемите клубови во светот и нашето место е да се вратиме на врвот. Знаеме дека не може се да се направи одеднаш, но имаме јасен план и сите заедно ќе работиме да го вратиме клубот таму каде што припаѓа“, заклучи легендарниот капитен.