Македонската фудбалска репрезентација во некомплетен состав ги започна подготовките пред натпреварите со Турција (5. јуни) и квалификацискиот дуел со Шпанија (11. јуни).
Стартот на подготвките поради клупски обврски го пропуштија Пандев, Несторовски, Алиоски, Ристевски и Стјепановиќ.
Вака се слави гол во 120-та минута!!! ↓↓↓
Селекторот Игор Ангеловски вели дека фокусот прво е на Турција, а обврска на сите е да го дадат максимумот.
„Турција е фудбалска велесила и ќе биде дополнителен мотив за сите играчи. Реков дека и на пријателски дуели сакам да играм против квалитетни селекции. Посакувам играчите да бидат на нивото на претходните мечеви и да го дадат најдоброто од себе. Не смееме однапред да се предадеме, мора да го дадат максимумот. Имаме препознатлива игра која во последните мечеви почна да носи и резултати“, изјави Ангеловски.