Македонија ќе има право на 1.300 влезници за гостувањето во Италија

Како што е веќе познато Италија во баражот за Светското првенство ќе ја пречека Македонија во Палермо на „Ренцо Барбера“.

Според правилникот македонската репрезентација ќе може да смета на околу 1.300 влезници за овој дуел, односно 5% од вкупниот капацитет на стадинот во Палермо.

На Италија и гостуваме затоа што УЕФА одреди носителите да бидат домаќините на полуфиналните средби, а ждрепката сакаше и во случај да ги елиминираме „Аѕурите“ да играме на гости.

Во второто полуфинале Турција ќе и гостува на Португалија и кај победникот од овие две селекции ќе се игра финалниот натпревар за место на СП во Катар.