Македонија стартуваше со пораз на „Трофеј Карпати“

Женската ракометна репрезентација на Македонија стартуваше со пораз на меѓународниот турнир „Трофеј Карпати“ во Романија. Во мечот од првото коло ракометарките на селекторот Симе Симовски беа убедливо поразени од Бразил со 19:32.

Во првото полувреме, македонските ракометарки успеваа да им парираат на фаворизираните Бразилки, во продолжение на средбата имаше пад во нивната игра, но против себе, притоа, ја имаа и Мајса Пешоа, поранешната голманка на ЖРК Вардар.

Со своите интервенции, таа едноставно ги откажа „црвено-жолтите“ кои и онака тешко го следеа силното темпо што беше наметнато, па вториот дел го завршија со само шест погодоци.

Тимот на Македонија на „Трофеј Карпати“ е без три стандардни ракометарки.

Македонија утре од 15:00 часот ќе игра против Романија, во недела, во последното коло, и против Полска од 13 часот.