Македонската ракометна репрезентација запиша победа против Кувајт на првиот пријателски натпревар во рамките на подготовките за настап на Европското првенство (31:21).
Лазаров изведе комбиниран тим без Кузмановски, Миркуловски, Митревски, Велкоски и Пешевски, но и покрај тоа без поголеми проблеми стигна до победата.
Првото полувреме беше рамноправно и заврши со резултат 14:13, но во вториот дел се покажа квалитетот на нашите ракометари, кои заиграа подобро и на крајот стигнаа до победа од 31:21.
Серафимов со седум гола беше прв стрелец, Талески постигна пет, а Ојлески и Маџовски завршија со четири гола.
Коментари
Учество во игри на среќа е дозволено за лица со 18+ години. Играј одговорно!