Македонија рутински против Грција за прво место во групата

Македонските ракометари рутинским ја совладаа селекцијата на Грција со 27:23 и го осигураа првото место во групата, а воедно и се одмаздија за поразот во Кожани.

Нашите ракометари имаа лош старт на натпреварот, па јужниот сосед водеше со два гола во почетните минути, а во еден момент стигнаа и до +3. Сепак, првото израмнување стигна во финишот кога Македонија израмни на 9-9, а потоа направи и пресврт, па на полувреме амина со предност од 13-11.

Во вториот дел Македонија рутински ја одржуваше предноста и на крајот запишавме победа од четири гола разлика.

Кире Лазаров беше најефикасен со шест гола, Филип Талески и Жарко Пешевски имаа по пет, а Никола Митревски запиша 10 одбрани.

Македонија од претходно имаше обезбедено учество на Европското првенство, но со оваа победа го осигура првото место во групата