Лука не запира: Со трипл-дабл го водеше Далас до победа во дербито на Тексас (ВИДЕО)

Девет натпревари беа одиграни изминатата ноќ во НБА лигата, а секако треба да се издвои новиот трипл-дабл на неверојатниот Лука Дончиќ.

Далас во дербито во Тексас славеа против Сан Антонио Спарс, а Лука заедно со Кристапс Порзингис беше незапирлив за домаќините. На крајот за 37 минути Словенецот запиша учинок од 26 поени, 14 асистенции и 10 скокови. Порзигис уфрли 28 поени и 12 скокови за само 29 минути.

За Дончиќ ова беше 21. трипл-дабл со што се изедначи со Џејсон Кид кој за осум сезони имаше таков учинок.

Од друга страна кај Спарсите се истакна Дерозан со 27 поени и осум скокови, но тоа не беше доволно за неговиот тим да стигне до поволен резултат.

Дербито на вечерта се играше во Солт Лејк Сити каде што Бостон ја победи Јута со 114:103. Повторно одличен кај Селтикси беше Џејсон Татум со 33 поени и 11 скокови, Џејлен Браун додаде 20 поени, додека кај Јута Донован Мичел уфрли 37 поени.

НБА резултати:

Шарлот – Њујорк 107:101

Кливленд – Филаделфија 108:94

Вашингтон Бруклин 110:106

Атланта – Орландо 120:130

Мајами – Минесота 126:129

Хјустон – Мемфис 140:112

Сан Антонио – Далас 103:109

Феникс – ЛА Клиперси 92:102

Јута – Бостон 103:114