Лукаку и Интер – кој на кого повеќе му недостасува?

Разделбата на Интер и Лукаку не донесе добро за никого, ниту на Челзи, ниту на Белгиецот, а ниту на Италијанците.

Лукаку неодамна предизвика реакции со своето интервју во кое зборуваше дека би сакал да се врати во Интер. Белгиецот е резерва во Челзи и изгледа дека клубот сака да го продаде на лето.

Интер така изгуби многу, иако заработи дури 115 милиони евра. Интер после ремито со Милан остана на дури 428 минути без постигнат гол.

После ремито со Наполи со резултат 1:1 Интер врза дури четири н атпревари во низа без постигнат гол. Изгуби од Ливерпул и Сасуоло како домаќин со 0:2, а потоа одигра без голови со Џенова и Милан.