Луда игра на бројки: Вотфорд ќе биде новиот шампион на Англија!?

Неверојатна статистика пронајдоа статистичарите во Англија.

Тимот на Вотфорд кој во овој момент има максимален број на бодови во англиската Премиер лига би можел да биде нов шампион според една луда теорија која започна да се шири низ друштвените мрежи.

Имено тимот на Лестер кој сензационално ја освои титулата во 2016 година, една сезона претходно сезоната ја заврши на 14-та позиција со 41 освоен бод со учинок од 11 победи, осум нерешени средби и 19 порази.

Иако таа сезона беа кандидати за испаѓање, како што веќе споменавме следната сезона сензационално ја освоија титулата.

Што ги поврзува Вотфорд и Лестер?

Клубот кој сега е тртопласиран минатата сезона верувале или не имаше ист учинок како и сензационалниот англиски шампион – 11 ПОБЕДИ, 8 НЕРЕШЕНИ СРЕДБИ, 19 ПОРАЗИ И 14-ТА ПОЗИЦИЈА СО 41 БОД!

Ова е уште еден доказ дека на педантните Англичани ништо не може да им „избега“.