Луверпул тргнува по „нигерискиот Робен“

Ливерпул сериозно ја разгледува можноста да го продаде Џердан Шаќири ова лето, пренесуваат англиските медиуми.

27-годишниот Швајцарец минатото лето пристигна на „Енфилд“ и одигра неколку одлични натпревари, иако најчесто влегуваше од клупата за резерви.

Сега Клоп сака да се ослободи од Шаќири за на „Енфилд“ да ја донесе младата ѕвезда на Виљареал, Саму Чакуезе.

20-годишниот талент е главна трансфер мета на Ливерпул ова лето. Тој одигра фантастична сезона за „жолтата подморница“ и го привлече вниманието на Јирген Клоп.

Нигериецот важи за еден од најголемите таленти во Европа и се здоби со епитетот „нигерискиот Робен“, па Ливерпул сака да ја победи конкуренцијата и веќе стапил во контакт со неговите агенти.

За да го финансира овој трансфер, но и за да направи место во тимот, Клоп е спремен да се ослободи од Шаќири.