ЛОШИ ВЕСТИ ЗА БРАЗИЛ: Еден од најдобрите играчи го пропушта Мундијалот?

Еден од најдобрите бразилски фудбалери, Дани Алвеш би можел да го пропушти Светското првенство во Русија.

Искусниот десен бек се повреди на синоќешниот натпревар во финалето на Купот против третолигашот Ле Ербије, а постои сомневање дека станува збор за тешко оштетување на лигаментите.

Доколку црните шпекулации испаднат точни, Алвеш нема да биде спремен за Мундијалот кој опасно се приближува, што ќе биде голем хендикеп за Бразил кој е фаворит за освојување.

Дани Алвеш оваа сезона одигра 41 натпревар за ПСЖ во сите натпреварувања и освои три трофеи во Франција, а за репрезентацијата на Бразил до сега настапи на 106 натпревари.