Ловрен открива како се казнува себе си за грешките

Дејан Ловрен призна дека се уште не може да си прости од грешката која ја направи на „Енфилд“ минатиот викенд која Ливерпул го чинеше победа против Тотенхем (2:2).

„Кога така ќе погрешам, самиот себе сум си најголем критичар. Секогаш се казнувам себе си на ист начин – само молчам и не разговарам со никого и тоа со денови“, изјави Хрватот за „Скај Спорт“ и додаде:

„Не размислувам за мислењето на другите. Важно ми е само што тренерот мисли за мене бидејќи само тој е овластен да ме критикува. Доколку има позитивни коментари, тогаш сигурен сум дека сум еден од најдобрите дефанзивци во Премиер лигата“, изјави Ловрен кој потоа зборуваше за гостувањето во Саутемптон.

„Сигурно ќе биде малку чудно, ќе играм со измешани емоции. Пречекот не ме загрижува, поминав убаво време во Саутемптон и секогаш ќе им бидам благодарен“, посебно на навивачите.