До сега летниот преоден рок е фрустрирачки за Манчестер Јунајтед. Освен Фред и Далот немаше други засилувања, а Мурињо никако да ги добие играчите кои ги посакува.
Последната во низата од желби на Мурињо која нема да се исполни е Роберт Левандовски. Веќе од поодамна се шпекулира дека Лева сака да го напушти Баерн, а во изминатите денови се појавија информации дека Јунајтед се вклучил во трката за полскиот напаѓач.
Шанса да станеш YouTuber! Приклучи се! ↓↓↓
Сепак, покрај шпекулациите и изјавите на менаџерот на Левановски, се чини дека ќе остане во Баерн, а тренерот Нико Ковач беше јасен по тоа прашање и истакна дека Левандовски ова лето не оди нигде.
Така Јунајтед остана без шанси да го донесе посакуваното засилување, а името Роберт Левандовски се најде на долгата листа играчи чии трансфери не се реализираа на Олд Трафорд ова лето.
На листата покрај Левандовски за сега се наоѓаат Герет Бејл, Хари Мегвајер, Вилијан, Алкантара, Анте Ребиќ, Иван Перишиќ, Алекс Сандро, Антоан Гризман и Тоби Алдервиелд.
Учество во игри на среќа е дозволено за лица со 18+ години. Играј одговорно!