Ливерпул тргнува по талентот на Лион

Ливерпул покажува сериозен интерес за младиот талент на Лион, Рајан Черки, пренесуваат медиумите на Островот.

18-годишниот играч за врска игра одлична сезона за Лион и го привлече вниманието на многу европски гиганти.

Черки е офанзивен фудбалер кој може да игра и како плејмејкер, но и по крилните позиции. Тој е продукт на школата на Лион, но веќе има 52 настапи за првиот тим на кои постигна 7 гола.

Черки има договор со Лион до 2023 година и на лето ќе влезе во последната година од договорот, па клубот ќе мора да го продаде, а за неговата слобада бара 25 милиони фунти.

Покрај Ливерпул, интерес за него покажуваат уште Манчестер Јунајтед и Реал Мадрид.