Ливерпул спреми богата понуда за ѕвездата на Интер

Марсело Брозовиќ игра фантастично оваа сезона и е еден од најзаслужните за добрите резултати на Интер.

Неговите одлични игри за „нероаѕурите“ не останаа незабележани од европските гиганти кои покажуваат сериозен интерес за Хрватот.

Италијанските медиуми пренесуваат дека скаути на Ливерпул веќе подолго време го следат плејмејкерот, па „црвените“ се спремни наскоро да испратат понуда.

Марсело Брозовиќ има 27 години,  а неговата откупна клаузула е 60 милиони евра, нешто што наводно Ливерпул е подготвен да го плати. 

Клоп е во потрага по квалитетен играч за врска кој ќе биде замена за Наби Кеита и верува дека Хрватот ќе биде идеално решение.