„Ливерпул Ехо“: Клоп испратил скаути на натпреварот помеѓу Баерн и Бешикташ

Како што пренесува „Ливерпул Ехо“, скаути на клубот од „Енфилд“ го следеле натпреварот од 1/8 финалето во Лигата на шампионите.

Баерн Минхен во рамките од првиот натпревар од нокаут фазата го пречека Бешикташ и славеше со убедливи 5:0 на свој терен и така практично веќе го обезбеди пласманот во следната фаза.

Со оглед на тоа дека фудбалерите на Баерн блескаа на оваа средба, скаутите на Ливерпул немаа среќа бидејќи тие тука беа поради еден фудбалер на турскиот претставник.

Имено, „црвените“ се заинтересирани за фудбалерот на Бенфика кој настапува како позајмен во редовите на клубот од Инстанбул, Андерсон Талиска.

Високиот Бразилец прикажува одлични настапи оваа сезона, а позната е дека веќе некое време се наоѓа на радарот на клубовите од Премиер лигата. Последен во оваа низа е тимот на Јирген Клоп.

Екипата од „Енфилд“ го следи веќе неколку месеци, но познато е дека Бешикташ е заинтересиран да го откупи неговиот договор наредното лето за сума од 25 милиони евра.

Останува да видиме како оваа приказна ќе се развива, а треба да се истакне дека постои опција Бешикташ да го откупи Талиска и да го продаде за поголема сума.