Ливерпул го одби понудениот смештај во Катар и ја воодушеви јавноста

Екипата на Ливерпул ќе има напорен декември, „црвените“ ги очекуваат осум натпревари во Премиер лигата, куп натпреварувањата, како и Светското клупско првенство кое се игра во Катар.

Првиот натпревар за Ливерпул во ова натпреварување на распоред е на 18-ти декември во полуфиналето.

Меѓутоа Ливерпул уште сега наиде на проблем одбивајќи да бидат сместени во хотелот во кој бил предвиден за нив.

Имено, тие требало да престојуваат во хотел со пет ѕвездички, но челниците на овој клуб ја одбиле таа можност поради начинот на кој бил граден тој хотел. Таа зграда била изградена од емигранти кои работеле и по дванаесет часа дневно и тоа на температури од 45 степени, а биле плаќани осум фунти по ден.

Ливерпул ги известил организаторите на турнирот во Катар како и ФИФА дека нема да престојува во тој хотел и бараат да им се побара нов смештај.