Легендарниот Тим Кејхил се прости од фудбалот: Неговиот гол против Холандија не се заборава (ВИДЕО)

Легендарниот Австралиец Тим Кејхил одлучи да ја заврши кариерата на 39 години.

Кејхил соопшти дека е премногу стар за играње фудбал, но и дека во иднината ќе се посвети на тренерската работа.

„За играње фудбал сум премногу стар, иако би сакал да продолжам. Сепак, имам 39 години и сега ме интересираат некои други работи. Сакам да одморам со семејството, а подоцна веројатно ќе се обидам да започнам тренерска кариера. Имав одлична кариера и бев на четири континенти“, изјави Кејхил.

Тој најдобрите денови од кариерата ги помина во Евертон каде што настапуваше осум години, а на крајот одлучи да го состави и идеалниот тим од играчи со кои ја делел соблекувалната.

На голот Кејхил избра да биде Шварцер, потоа во одбраната Лејтон Беинс, Стубс, Јагиелка и Фил Невил.

Средниот ред Кејхил им го довери на Стивен Пиенар, Гравсен, Карсли и Микел Артета. Местата во нападот Кејхил ги резервираше за Фергусон и Видука.

Инаку Кејхил е еден од најдобрите австралиски фудбалери на сите времиња, а за репрезентацијата одигра вкупно 108 натпревари и постигна 50 голови.

Секако, еден од најпознатите и најдобри голови Кејхил го постигна на Светското Првенство во 2014 година во натпреварот помеѓу Австралија и Холандија кој заврши со резултат од 3:2 во корист на фаворизираната Холандија.