Лацио ја одреди цената за СМС, три гиганти во игра

Како што пренесуваат италијанските медиуми Сергеј Милинковиќ-Савиќ е во конфликт со тренерот Маурицио Сари, па Лацио е спремен да го продаде уште во зимскиот преоден рок.

Наводно, Милинковиќ-Савиќ е во тивка војна со Сари, а тренерот на „орлите“ сметал дека ароганцијата на Србинот не може да ја толерира и побарал од раководсвото да биде продаден.

Лацио веќе ја одредил цената и за неговата слобода бара 75 милиони евра, а три европски гиганти покажуваат силен интерес за него.

Главни кандидати за неговиот потпис се Јувентус, Реал Мадрид и Манчестер Јунајтед, кои подолго време се заинтересирани за Србинот.