Лапорта: Убеден сум дека ќе победиме во Ел Класико

Претседателот на Барселона, Жоан Лапорта ги повика фановите да му дадат масовна поддршка на тимот на „Камп Ноу“ против Реал Мадрид во недела.

Вчера на мечот со Динамо Киев имаше дозвола Камп Ноу да биде 100% исполнет, но дојдоа само 46.000 фанови.

„Имам добро чуство. Играчите се рехабилитираат, Агуеро и Фати се вратија, и играме на нашиот стадион. Сакам да ги повикам фановите да дојдат масовно, бидејќи ќе биде фантастичен меч. Оптимист сум и убеден дека Барселона ќе победи“, изјави Лапорта.

Дуелот помеѓу Барселона и Реал Мадрид на програмата е во недела во 16:15 часот.