Лапорта: Го победивме Реал со 4:0, сега сакаме да го победиме и Сити

Барселона и Манчестер Сити на 24 август ќе одиграат хуманитарен натпревар за да помогнат во борбата против амиотрофичната латерална склероза.

Претседателот на Барселона, Жоан Лапорта и менаџерот на „граѓаните“ Пеп Гвардиола одржаа заедничка пресконференција, а Лапорта истакна дека тој дуел воопшто нема да биде пријателски.

„Барселона против Манчестер Сити воопшто нема да биде пријателски натпревар. Го победивме Реал Мадрид со 4-0, а сега сакаме да го победиме и шампионот во Премиер лигата. Имаме пријатели во нивниот тим, но сакаме да победиме“, изјави Лапорта.