Ламела се враќа во Серија А

Италијанските медиуми пренесуваат дека Фиорентина е силно заинтересирана за играчот на Тотенхем, Ерик Ламела.

„Виолетовите“ бараат засилување за крилните позиции и фудбалер кој ќе може да го замени Рибери, кој го напушти клубот ова лето.

28-годишниот Аргентинец не добива голема минутажа, па и самиот е спремен да ја промени средината. Тој влезе во последната година од договорот, а Фиорентина сака да ја искористи таквата ситуација.

Ламела има искуство во Серија А каде со успех го носеше дресот на Рома, а „виолетовите“ се спремни да понудат 15 милиони евра за неговиот потпис.