Македонската ракометна репрезентација денеска ги почнува подготовките за двата бараж натпревари со Романија кои решаваат за патникот на следното Светско првенство.
“Мислам дека овој бараж за нас е посебно важен, од круцијална важност. Имаме доволно време да се подготвиме, овие денови се доволни. Најважно е да бидеме здрави. Сите сме изморени од напорната сезона. Си ја знаеме работата, сите посакуваме да се пласираме, бидејќи ова Светско првенство ќе биде квалификациско за Олимписките Игри. Треба да се поставиме сериозно. Романија е квалитетен противник. Можеби немаат настапи на големи натпреварувања последниве години. Но, тие се враќаат, инвестираат, го донесоа Чави Пасквал и со тоа покажаа дека се сериозни. Треба максимално да се фокусираме. Нема да биде лесно, можеби не е атрактивен противник, но се квалитетни, јас ги познавам, имаат добри поединци. И тие веќе се подготвуваат за нас”, изјави капитенот на националниот тим, Кире Лазаров.
Учество во игри на среќа е дозволено за лица со 18+ години. Играј одговорно!