Лавовите од Серија А не ја сакаат пензијата: Пандев, Роналдо, Ибрахимовиќ…

Македонскиот капитен Горан Пандев и неговите два гола против Наполи се уште се тема во Италија.

„Кориере дело Спорт“ сега тие два гола на Пандев ги искористи да посочи дека „старците“ се во мода во Калчото. Покрај Пандев викендов Ибрахимовиќ стигна до 500 клупски гола, а и Роналдо во последно време е во форма и погодува.

„Лавовите во Серија А не ја сакаат пензијата. Ибрахимовиќ пред 40 години стигна до 500 клупски гола, Пандев во јули полни 38, а сега му даде два на Наполи и дојде до 97 гола во Серија А. Роналдо кој е најмлад во оваа група викендов даде гол во дербито со Рома“, пишува реномираниот „Кориере дело Спорт.

Очигледно „пензионерите“ во Италија доживуваат втора младост.