Куртоа: Спремни сме да се бориме за нашиот тренер!

Голманот на Челзи, Тибо Куртоа изјави дека тимот е подготвен да се бори за тренерот Антонио Конте за кого се почесто се шпекулира дека може да замине од „Стенфорд Бриџ“.

„Ние сме подготвени да се бориме за нашиот тренер. Конте има целосна поддршка од своите играчи. Ние сакаме да покажеме дека сме зад Конте и мислам дека победата над Вотфорд е добар почеток. Инаку, знаете што ќе се случеше ако не победивме и на овој меч. Секој менаџер ги следи сопствените принципи. Со Антонио ние главно работиме на тактиката и сме среќни со тоа“, изјави Куртоа.

Челзи после девет кола во Премиер лигата се наоѓа на 4-то место со 16 бода, девет помалку од лидерот Манчестер Сити.