Кулушевски стана хит на социјалните мрежи по трансферот во Јувентус

Младиот шведски напаѓач и несуден македонски репрезентативец, Дејан Кулушевски пред неколку дена официјално стана фудбалер на Јувентус.

Овој 19-годишен фудбалер ги воодушеви сите со настапите во дресот на Парма, а во Јувентус веднаш реагираа и ќе платат вкупно 44 милиони евра (35 + 9 за бонуси) за неговиот потпис.

Јувентус има големи очекувања од Кулушевски, иако многумина порачаа дека „Старата дама“ платила премногу за него.

Откако потпиша за италијанскиот шампион, 19-годишниот фудбалер стана популарен во Италија. Пред да потпише имаше 57.000 фанови, а за еден ден ја зголеми бројката дури трипати повеќе.