Кошмар за Реал во репрезентативната пауза: Тројца фудбалери се враќаат со повреди

Реал Мадрид лошо помина во репрезентативната пауза, како што стојат работите Карло Анчелоти остана без тројца фудбалери кои заработиле повреди.

Последен се повреди Едер Милитао кој не го заврши натпреварот за Бразил против Колумбија. Милитао мораше да го напушти натпреварот 20 минути пред крајот поради болки во грбот.

Според она што го објавија бразилските медиуми фудбалерот ќе мора да помине дополнителни медицински тестови. Детали за повредата веројатно ќе има по неговото враќање во Шпанија.

Претходно повреди кај Реал заработија Еден Азар и Едуардо Камвинга исто така на репрезентативните настапи.