Костиќ може да замине, Јувентус пронајде замена во Лече?

Јувентус не е задоволен од настапите на Филип Костиќ оваа сезона и постои можност тој да го напушти клубот на лето.

Костиќ пред две лета дојде во Јувентус како огромно засилување од Ајнтрахт, а во претходната сезона во која за „старата дама“ беше послаба од актуелната играше многу подобро од оваа.

Само четири асистенции на 24 натпревари се јасен показател за неговата лоша форма, но можеби и не е единствениот виновник за такво нешто. Мора да му се постават одредени тактички прашања и на Масимилијано Алегри и дали го користи на вистински начин.

Како можна замена за Костиќ италијанските медиуми го споменуваат Патрик Дорга од редовите на Лече. Тој е еден од најдобрите фудбалери на овој тим, има 19 години и одлично работи на левата страна, иако нема импресивен настап кога е во прашање бројот на голови и асистенции.

Доргу постигна само еден гол и една асистенција, но важи за перспективен лев бек и интерес за него покажаа многу клубови.

Данецот кариерата ја започна во Нордсјеланд од каде дојде во помладите категории на Лече, но многу брзо се избори за место во првиот тим.