Коста покажа големина – Ова е емотивната порака со која се збогува од Челзи

Диего Коста кој се врати во Атлетико Мадрид на емотивен начин се прости од својот поранешен клуб Челзи.

Бразилецот со шпански пасош откако го официјализираше трансферот во Ателтико Мадрид преку отворено писмо им се заблагодари на навивачите на Челзи.

Коста од јануари ќе има можност да настапува за „јорганџиите“, а ова е пораката која ја напиша на својот Фејсбук профил.

„Кога ќе се заврши една епизода, започнува нова. Мојата епизода во Челзи започна пред три годоини и од оваа преспектива можам да кажам дека тоа беа три незборавни години. Две шампионски титули, Комјунити шилд, 120 натпревари, 59 погодоци и 24 асистенции, се бројките со кои ја заокружив таа епизода. Не завршив на начин на кој посакував, далеку од тоа, но беше убаво. Прекрасните навивачи, племенитоста на клубот, соиграчите, стручниот штаб, администрацијата и лекраскиот тим сите ќе останате во моето срце. Знам дека секогаш ќе бидам навивач на Челзи и сигурен сум дека сите кои го сакате овој тим знаете зошто си заминав. Челзи, ти благодарам за се“, порача Коста.