Конте: Не знам до каде се преговорите со Џеко

Антонио Конте пред утрешниот реванш натпревар против Арсенал во Карабо купот зборуваше за потенцијалниот трансфер на Един Џеко.

Менаџерот на Челси потврди дека преговорите постојат и дека се во тек.

„Не знам до каде се преговорите со Џеко. Навистина не можам да одговорам на тоа прашање. За тоа како се одвиваат преговорите ќе бидете правовремно известени од клубот“, изјави Конте.

Реванш натпреварот помеѓу Арсенал и Челси се игра утре со почеток од 21:00 часот на „Емирати“. Првиот натпревар заврши без погодоци.