Тренерот на фудбалерите на Челзи денес побара време и трпение од навивачите и најави дека Челзи постепено ќе расте.
„Силен тим воопшто не е лесно да направите, потребно е да растете чекор по чекор, со што би го достигнале нивото на Реал Мадрид или Баерн. Во овој момент имаме доволно играчи во ротацијата и го започнуваме патот кон нешто важно“, изјави Конте на конференцијата за новинари во Лондон.
Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓
Потоа Конте зборуваше за противникот во Лигата на шампионите, натпреварување во кое „сините“ се враќаат после една година пауза.
„Карабах е добар тим. Познавам неколку нивни фудбалери бидејќи ја воде репрезентацијата на Италија во натпреварот против Азербејџан. Мораме да бидеме сконцентрирани и да го контролираме натпреварот, сето останато ќе дојде само по себе“, зборуваше Конте.
Тој истакна дека е исклучително важно Челзи да оди чекор по чекор.
„Минатата сезона никој не ни даваше големи шанси за освојување на Премиер лигата. Градиме нешто за кое е потребно време. Даваме се од себе и за мене е нешто ново да играте 60-65 натпревари во сезоната. На високо ниво, тоа воопшто не е лесно“, заврши Италијанецот.
Учество во игри на среќа е дозволено за лица со 18+ години. Играј одговорно!