Конор потврди: Повторно ќе се бори во ММА, познато и против кого

Конор Мекгрегор одлучи повторно да се бори во ММА.

Иако пред одреден период по „стоти“ пат одлучи да се „пензионира“, УФЦ ѕвездата веројатно ќе се бори против Дастин Пориер.

Двајцата претходно преговараа за хуманитарен меч. На крајот се вмеша УФЦ и им понуди борба која Конор ја прифати.

„Здраво Дастин. Ја прифатив борбата да се борам со тебе, но им кажав дека мора да се одржи во 2020 година“, напиша Конор.

Датумите на кои Конор би можел да се врати во октагон се ноември или декември, а втората опција е поизвесна. Мегрегор после борбата ќе донира пола милион долари за фондацијата на Пориер.

Инаку, Конор го нокаутираше Пориер во 2014 година.