Конор: Кабиб ти си срам! Кабиб: Не заборавај што кажа онаа вечер! (ФОТО)

Конор Мекгрегор и Кабиб Нурмагомедов имаа мал судир на социјалните мрежи.

Откако заврши борбата помеѓу Тони Фергусон и Џастин Гетџи, Мекгрегор го нападна Џастин барајќи борба со него. Со порака по борбата се јави и Кабиб, па Мекгрегор не пропушти да влезе и со него во расправија.

„Кабиб, ти си срам. Мал стаорец кој се крие, како и секогаш, како што кажав многу пати: Без коментар, ха ха. Ти си срам за боречките спортови“, напиша Мекгрегор.

Ниту Кабиб не му остана должен.

„Да, се сеќаваме. Беше баш добар онаа вечер. Биди свој, не биди лажго. Ти зборуваш за гушкање нозе? Веројатно не заборави што ти направив? Очигледно пијан пишуваш твитови. Те разбив удирачки, те растурив во борење и те уништив во „граплинг“. Бараше воздух со рацете и потоа се откажа. И не заборавај што кажа – Ова е само работа“, му одговори Кабиб.