Конечно: Фудбалските легенди ќе се соберат за Роналдињо!

На почетокот на јануари во 2018 година легендарниот бразилски фудбалер Роналдињо објави крај на кариерата, меѓутоа за него немаше проштален натпревар како за некои други фудбалски ѕвезди.

Сега еден од најомилените фудбалери во историјата конечно ќе биде испратен онака како што заслужува.

Шпанските медиуми објавија дека на 19. август на „Ноу Камп“ ќе се организира натпревар со бројни легенди и негови поранешни соиграчи. Веќе се шпекулира и за имињата, па се најавуваат: Пирло, Анри, Роберто Карлос, Недвед, Кафу, Роналдо...

Роналдињо кариерата ја започна во Гремио, потоа во Европа потпиша за ПСЖ. Од Париз се пресели во Барселона, па во Милан, за последните години од кариерата да ги помине во првенството на Бразил.