Конечно: Лондонското дерби беше последен натпревар кој Тотенхем го одигра на „Вембли“ како домаќин?

Градското дерби кое беше одиграно за викендот може да влезе во историјата по уште една основа.

Неколку рокови веќе беа пробиени кога во прашање е одигрувањето на првиот натпревар на Тотенхем на новиот „Варт Харт Лејн“, но изгледа дека „петлите“ сепак ќе одиграат неколку натпревари на овој стадион пред крајот на тековната сезона.

На Тотенхем му преостануваат пет натпревари на кои се домаќини во Премиер лигата, би можеле да имаат некој натпревар повеќе ако напредуваат во Лигата на шампионите.

Според информациите кои пристигнуваат од Лондон, новиот стадион ќе има две тестирања, а потоа Тотенхем би можел да го одигра првиот официјален натпревар. Се споменува дека тоа може да се случи на 7-ми април кога е закажан натпреварот против Брајтон.

Меѓутоа ако споменатиот тим избори пласман во полуфиналето од ФА Купот тогаш првиот домашен натпревар на новиот стадион Тотенхем ќе го одигра на 13-ти април против Хадерсфилд.

Кога во прашање е Лигата на шампионите се уште не е познато дали УЕФА веднаш ќе му издаде лиценца на Тотенхем за играње на новиот стадион. Меѓутоа и прво „петлите“ треба да ја завршат работата против Борусија Дортмунд која во првиот натпревар ја победија со 3:0.