Комунистите ја разочараа Рома: Стопиран трансферот на Наиголан

Иако беше најавуван, трансферот на Наинголан нема да се реализира.

Фудбалерот на Рома, Раџа Наинголан ги договори личните услови со кинескиот Гвангжу, но киенската влада како што направи претходно со Обамејанг го блокираше и овој трансфер, пренесува „Газета дело Спорт“.

Според пишувањето на италијанскиот медиуми, Белгиецот требало да премине во Гвангжу за сума од 50 милиони евра, но Комунистичката партија на Кина поради големата сума одлучи да стави „рампа“ на овој трансфер.

Наинголан во Рома пристигна во 2014 година од редовите на Каљари, сега се очекуваше да премине во тимот кој го предводи Канаваро, но сепак изгледа трансферот ќе мора да почека до лето.

За репрезентацијата на Белгија Наинголан одигра 29 натпревари и постигна шест погодоци.