Колку ќе паузира Хари Кејн, може ли да го пропушти Мундијалот?!

Англиските медиуми шпекулираат дека неговиот настап на Мундијалот е ставен под знак прашалник.

Нејмар е повреден и прашање е дали ќе се врати до крајот на оваа сезона, а неодамна се повреди и Хари Кејн.

Хари Кејн во овој момент е веројатно и најдобриот англиски фудбалер. Кејн се повреди во неделниот натпревар против Бурнемоут.

Иако првите најави беа дека тој набрзо ќе се врати на терените изгледа дека сепак повредата не е толку наивна. Имено, денес англиските медиуми пренесуваат дека напаѓачот сигурно нема да игра до мај, а во најлошото сценарио би го пропуштил и Мундијалот.

Тотенхем во овој период ќе мора да игра многу важни натпревари во Премиер лигата и да се бори за пласман помеѓу најдобрите четири, а тука се и натпреварите во ФА Купот.

Доколку се биде во најдобар ред и Кејн биде подготвен за Мундијалот тој би се вратил и на последните три натпревари од Премиер лигата во кои Тотенхем ќе игра против Вотофрд, ВБА и Лестер.