Клубовите ќе добијат 2 милијарди од Супер Лигата на шампиони

Лигата на шампиони каква што ја знаеме од 2024 година нема да ја има, бидејќи се создава Супер Лигата на шампиони во договор на УЕФА со најголемите клубови.

УЕФА планира постепено да го прошири турнирот и од сегашните 125 ќе се зголемата на 225 натпревари, пренесуваат медиумите на Островот.

Она што е сега приоритет е да се одреди системот на натпреварувањето, дали по групи или лигашки, а сигурно е дека ќе се зголеми бројот на учесници од сегашните 32 на 36 клуба.

15 или 18 европски гиганти ќе имаат загарантирано учество, па ќе се зголеми јазот помеѓу богатите и сиромашните, бидејќи европските гиганти ќе делат најголем дел од финансискио колач.

Се очекува целиот проект да „тежи“ 2 милијарди фунти кои ќе бидат поделени на клубовите во зависност од пласманот.