Клубовите од Англија бараат Сити да биде казнет и во Премиер лигата

УЕФА му изрече на Манчестер Сити казна од двегодишна суспензија поради кршење на правилата на Финансискиот фер-плеј.

Поради неправилното финансиско работење на клубот, сега и клубовите од Англија бараат Сити да биде казнет и во Премиер лигата.

Поради стекнатата предност на нелегален начин во однос на другите, клубовите од Премиерлигата сметаат дека Манчестер Сити треба да се казни и на домашно тло, но сепак сметаат дека премногу би било исфрлање во понизок ранг. 

Истражувањата на УЕФА се однесуваат на периодот од 2012 до 2016 година, а Манчестер Сити беше шампион во 2012 и 2014 година.

Поради тоа во медиумите се појави хипотеза дека би можело да им бидат одземени бодови на „граѓаните“ во споменатите години и да останат без титулите.