Клоп се врати во Борусија Дортмунд

Германскиот стратег Јирген Клоп се врати во Борусија Дортмунд и накратко повторно ќе седне на клупата на овој клуб.

Клоп ќе биде дел од натпреварот со посебно емотивно значење во чест на Јакуб Блашчиковски и Лукаш Пишчек. По заминувањето од Ливерпул за Клоп ова ќе биде прв меч во кој ќе ја одработува тренерската работа, иако ќе биде само ревијално.

Веќе се појави на тренингот на клубот, а публиката на „Вестфален“ сигурно ќе го пречека на фантастичен начин.

Пишчек и Блашчиковски имаа голема улога во тимот на Клоп кога во 2011 и 2012 година освоија две титули шампион на Германија и играа финале во Лигата на шампионите. Клоп Борусија ја водеше од 2008 до 2015 година.