Клоп најде дефанзивец во Франција: Го „краде“ пред носот на Челзи

Дефанзивецот на Лил, Габриел игра одлична сезона и го привлече вниманието на многу европски гиганти.

Англиските медиуми тврдат дека во трката за неговиот потпис се вклучил и Ливерпул кој во 22-годишниот Габриел гледа идеален партнер за Ван Дајк.

Приоритет на Клоп ова лето ќе биде доведување на дефанзивец, а цената на Габриел во моментов изнесува 35 милиони евра.

Интересно е тоа што пред само две години, Габриел пристигна на „Максимир“, но одигра само еден натпревар за Динамо и потоа беше преместен во вториот тим.

Оваа сезона блесна во дресот на Лил, играше во Лигата на шампиони и привлече големо внимание, а интерес за Бразилецот покажуваат уште Челзи и Јувентус.