Клоп за конфликтот со пеналот: Подобро да сакаат да го изведат двајца или тројца отколку ниту еден

Тимот на Ливерпул славеше на гостувањето против Хадерсфилд со 3:0, а во првите 11 за овој натпревар немаше место за најскапото засилување на „црвените“ Вирџил Ван Дијк.

Клоп по натпреварот ја објасни оваа одлука како и недоразбирањето околу изведувањето на пеналот кој го изнуди Емре Чан.

„Мислам дека сосема е нормално тоа што Ловрен и Матип стартуваа од првата минута бидејќи подолго време играа заедно, а исто така стилот на Саутемптон е поинаков од нашиот, па потребно е време Ван Дијк да се прилагоди“, изјви Клоп, кој потоа го прокоментира недоразбирањето околу изведувањето на пеналот.

„Всушност ми е мило што дојде до такво нешто бидејќи со тоа покажаа дека знаат и сами да ги решат проблемите. Јас сум виновен што не одредив кој да ги изведува пеналите. Сепак најважно е што топката заврши во мрежата. Сега Салах веројатно ќе го изведе следниот пенал, подобро да сакаат да го изведат двајца или тројца играчи отколку ниту еден“, заврши Германецот.