Кирјос го праша Ѓоковиќ за тајното дрво, Новак имаше оригинален одговор 🎥

Српскиот тенисер Новак Ѓоковиќ денеска се пласираше во полуфиналето на Австралија Опен откако го совлада Американецот Тејлор Фриц со 3:1.

Како што е познато за ова издание на „Еуроспорт“ еден од главните коментатори е Ник Кирјос. Досега Кирјос ги коментираше настапите на Новак само од студио, а по мечот со Кирјос на изненадување на публиката излезе на теренот каде што му правеше интервју на Новак.

Кирјо во минатото беше еден од најголемите критичари на Ѓоковиќ, но подоцна го смени мислењето и сега еден од неговите најголеми поддржувачи.

Австралиецот во краткото интервју имаше подготвено интересни прашања за Новак.

„Веројатно никогаш повеќе нема да бидам покрај тебе во ваква улога, па морам да те прашам каде е тоа дрво“, праша Кирјос мислејќи на дрвото за кое Ѓоковиќ постојано зборуваше дека е негов извор на енергија пред мечевите во Мелбурн.

На ваквото прашање Ѓоковиќ имаше оригинален одговор.

„Нема проблем, ќе ти го покажам дрвото, но да е тајна. Прво ќе мора да ги соблечеш патиките, да се качиш високо на него и да висиш наопаку 33 минути и три секунди и така ќе победиш на грен-слем“, гласеше одговорот на Новак кој ги насмеа присутните.

"We miss Nick! Show him some love!" 💙

Novak Djokovic was interviewed on-court by his good friend Nick Kyrgios after reaching the Australian Open semi-finals 🤝🎤#AusOpen pic.twitter.com/oqZNez39ji

— Eurosport (@eurosport) January 23, 2024