Кире Лазаров оди на трибини, а Гоце Ојлески вечерва ќе биде во ростерот против Данска

Селекторот на македонската репрезентација, Раул Гонзалез ја направи третата измена на Европското првенство. Во составот на мечот против Данска ќе го немаме капитенот, Кирил Лазаров, кој поради повреда на задната ложа на десната нога, против Чешка изведе три седмерци.

Со оглед на тоа дека ги загубивме шансите за пласман во полуфиналето, а тешко дека ќе успееме да влеземе во битката за петото место, со Лазаров нема потреба да се ризикува.

Натпреварот Македонија-Данска се игра денеска од 18:15 часот