Киелини: После разговор со Сари во канцеларија морате да се истуширате

Џорџо Киелини продолжи да открива интересни детали од неговата автобиографија.

Откако беше прилично жесток кон Марио Балотели и поранешниот соиграч Фелипе Мело, и прилично искрен кон Артуро Видал на ред дојде актуелниот тренер на Јувентус, Маурицио Сари.

„Маурицио е прилично затворена личност и не дозволува многу да му се доближите. Единствена работа која кај него никој не може да ја промени е неговата зависност од цигари. После разговор со него во канцеларија морате да се истуширате ако не сакате да смрдите на цигари“, искрен е Киелини.

За тренерското знаење на Сари имаше само пофалби.

„Секогаш сака да биде перфектен. Бара 100% поседн а противничката половина. Секако тоа е утопија, но веројатно благодарение на таа негова особина стигна онаму каде што е денес“, смета стоперот на „старата дама“.