Киелини: Македонија ни го сруши мундијалскиот сон

Maкедонија денес ја шокираше Италија во Палермо и ја елиминираше од баражот за Светското првенство.

Еден од најискусните во таборот на Италијанците, Џорџо Киелини беше искрен за разочарувањето кое им го приреди македонската репрезентација.

„Целосно сме уништени. Ова е шокантен пораз и неочекувано сценарио. Игравме добро, но не успеавме да постигнеме гол. Сепак, горд сум на тимот, играчите и селекторот Манчини. Сега ќе мораме да почнеме одново. Манчини треба да остане селектор“, потенцираше дефанзивецот на Јувентус.

За пласман на Мундијал Македонија ќе игра во вторник против Португалија во Порто.