Касемиро донел конечна одлука за својата иднина

Фудбалерот на Манчестер Јунајтед, Касемиро ги демантираше медиумите дека ќе замине од „Олд Трафорд“ за да го засили Ал-Наср каде што настапува Кристијано Роналдо.

Искусниот Бразилец (31) во редовите на Јунајтед пристигна во 2022 година од Реал Мадрид и долго време играше заедно со Роналдо во Реал Мадрид.

„Среќен сум во Манчестер Јунајтед. Тука е неверојатно. Од првиот ден бев дочекан со срдечно добредојде од страна на играчите и навивачите. Среќен сум од она што градот и клубот ми го нуди. Задоволен сум што му помагам на клубот да се врати на старите патеки на успех. Навистина сум среќен“, изјави Касемиро за британските медиуми.

Сезонава за Манчестер Јунајтед Касемиро одигра 12 натпревари и постигна четири гола.