Касано: Леао не е Кака или Роналдињо, Интер треба да игра со младинци да биде елиминиран

Контроверзниот Антонио Касано даде свое мислење пред вечерашниот реванш од полуфиналето во Лигата на шампионите помеѓу Интер и Милан.

Интер има одлична предност од 2:0 по првиот натпревар и тоа секако е одлична предност, но Милан сигурно нема предвреме да се предаде. Касано во минатото важеше за контроверзен фудбалер и некој кој не го исполни својот потенцијал, а сега смета дека на Милан му е потребно чудо за финале.

„За Интер да биде елиминиран треба вечерва да игра со младинци, а можеби и тоа не би било доволно. Со Леао или без него, не се менува многу, Милан е инфериорен во однос на Интер. Леао не е Кака или Роналдињо, не е некое такво ниво.

„Според мене треба да се случи катастрофа за Интер да исапдне, можеби грешам, но ќе видиме вечерва“, изјави Касано.