Капитенот на Милан прифати помала плата за да остане на „Сан Сиро“

Италијанските медиуми пренесуваат дека Милан и Ромањоли се блиску до постигнување на договор за продолжување на соработката.

Ромањоли влезе во последната година од договорот, а преговорите за негово продолжување беа прекинати од поодамна.

Иако се очекуваше дефанзивецот сигурно да си замине на крајот на сезоната како слободен агент, сепак капитенот прифати значително намалување на платата и ги продолжи договорите.

Ромањоли на средбата со Малдини му соопштил дека сака да остане на „Сан Сиро“ и дека е спремен да прифати намалување на платата.

26-годишниот дефанзивец моментално заработува 5,5 милиони евра по сезона, а со новиот договор ќе има годишна плата од 3,5 милиони евра.

#Romagnoli e #Milan più vicini https://t.co/sWQn2EL5wt

— Milan News 24 (@Milannews24_com) November 22, 2021